Tónleikarar á veg November 21, 2009

Hvat hendir, tá ein kensluborin jazzballada fær undirspæl av einum tungmálmsbassleikara og einum klassiskum gittaraleikara?

Tónleikararnir, sum spæla konsertina, eru ein litríkur hópur. Teirra bakgrund er í rákum líka frá bleytum popptónleiki yvir jazz til klassiskt og heavy metal.
Miðdepil, í hesari konsertini er improvisatiónstónleikur, so alt kann ikki vera liðugt lagt til rættis í forvegin. Har verður leikað og improviserað yvir kompositiónsskitsar eftir m.ø. Dollar Brand alias Abdullah Ibrahim, Herbie Hancock, Mongo Santamaria, Kim Kristensen, Chick Corea og Wayne Shorter, Charlie Mingus og Bill Evans.

Tónleikararnir, sum eru næmingar í Musikkskúla Miðnámi eru:
Konni Kass – saksofon og vokal
Ísak Petersen – 6 streingja bassur
Karl Andrias Stórá – elbassur
Búgvi Magnussen – slagverk
Remi Johannesen – slagverk
Per Ingvaldur Petersen – slagverk
Jóhannes E. Müller – elgittari
Kim Kristensen - tangenta

Official Website: http://nlh.fo/00001/00533/