H71 jólahald December 20, 2010

Frá kl. 17 og umleið ein tíma fram verður ein hugnaløta, har vit fara at dansa um jólatræið, vit fáa jólamenn á vitjan við pakkum til børnini og borðreitt verður við kaffi, te, smurdum breyði og køkum. Hvør familja verður biðin um at hava eitt fat av smurdum breyði við.
Aftaná hugnaløtuna verða hondbóltsdystir, har nøkur av yngru liðunum fara at spæla hondbólt ímóti foreldrum.
Systkin, foreldur, ommur, abbar og onnur er sjálvandi vælkomin við.
Vit vóna at síggja nógv fólk í høllini.
Vaksin og børn skulu vera í ítróttarskóm og klár til ein dyst um neyðugt.